Kidult在港一直都任教國際幼稚園(主要原因係因為國際學校對於老師或者學生都較有容人之量，哈哈) 但香港始終係一個華人社會，最多既多元文化可能都係一個起兩個止，最多都係多幾個(或十幾個) 國內同埋一兩個國外小朋友。但由於澳洲早年開放移民既政策同埋本身既文化背景，令到成個社會都非常multi-cultural. 一般黎講，打開課室門，少則三四個國藉，多則有十個唔同國際既小朋友亦唔出其。
記得Kidult既第一份幼稚園長工就係位於一個市中心大商場既頂樓(你可以幻想一間係類似小型IFC樓上既幼稚園)﹐而當日我打開課室門迎面而黎既就係一個兩歲，滿面口水鼻涕既泰仔。而無錯，叫得泰仔，佢當然係講泰文既。係泰文老師未番既時候，為左止住佢既喊聲，我唯有係個腦到不斷搜尋以前乜乜曼谷華欣自由行學埋學埋既泰文，嘗試分散下泰仔既注意力。
/沙華dee卡
講左十幾次之後佢依然唔理我，可能Level太低，於是我再發功.
/呀. 堅cow, 堅cow, 堅cow ne nor!
到食飯既時候，我就好似發現新大陸咁，不停咁指住佢碗雞肉意粉希望佢食啲野唔好掛住喊，可惜唔知係我講得太差定佢真係唔想食，結果佢繼續喊. 我就唯有講出我最拿手個句.
/Wow you look! 阿來擘擘！
唯有講埋呢句Sell下碗意粉等佢食兩啖啦，可能佢都俾我既真誠意打動左，佢終於都流住淚放左隻羹入口食左啖，yeah!
係就係低B左啲，但我同泰仔既關係就係咁不知不覺咁用啲好爛又夾雜英文既泰文建立左，第二日我幫佢再換片既時候我一講沙華dee卡，佢仲cupcupcup咁應我 哈哈.
/沙華dee卡
/Cup!
嘿
這就是我和泰B建立深厚感情既起點
Search